Deputeti i Partisë Socialdemokrate, Dardan Molliqaj, ka folur sot në Kuvend lidhur me të kaluarën e Glauk Konjufcës.
Siç edhe kishte premtuar, ai foli për detaje që iu thotë “fakte”, shkruan Reporteri.net.
Molliqaj ka bërë të ditur se Konjufca kishte shërbyer në SHIK në vitin 2000-2001 dhe kishte pagë prej 150 markash, duke shtuar se rekrutimin e tij e kishte bërë Fadil Lepaja.
“Kur Glauk Konjufca ka shërbyer në SHIK, është viti 2000-2001. Paga është 150 marka. Rekrutimin e ka bërë Fadil Lepaja”, ka thënë Molliqaj.
Ndër të tjera, ish-deputeti i VV-së potencoi se “sektori në të cilin ka punuar është ‘përpunimi i të dhënave’”.
Sidoqoftë, Molliqaj kishte paralajmëruar para disa ditësh se do të prezantonte “fakte” se Konjuca ishte në SHIK, ani pse në Kuvend ai foli pa prezantuar ndonjë document.
Ndryshe, Konjufca më herët i ka quajtur shpifje fjalët e Molliqajt, duke shtuar se i afërt me PDK-në kishte qenë vetë Molliqaj./Reporteri.net