Pasi KQZ-ja ka deklaruar se sot do të përfundoj rinumërimi i votave, koalicioni NISMA-AKR përfundimisht ka kaluar pragun zgjedhor.

Këtë e ka bërë të ditur shefi i kabinetit të ministrit Pacolli, Jetlir Zymberaj, i cili tha se koalicioni ka arritur të mbledh 42 mijë vota dhe të bëhet pjesë e Kuvendit, shkruan Reporteri.net

“Koalicioni ynë përfundimisht u konfirmua si pjesë e Kuvendit të Kosovës. Faleminderit më shumë se 42 mijë qytetarëve të Republikës”, shkruan Zymberaj.

Teksa kjo është bërë e ditur nga AKR-ja, në anën tjetër ende nuk ka ndonjë reagim nga NISMA.

Gjatë ditës së djeshme Komisioni Qendror i Zgjedhjeve ka njoftuar se më 12 nëntor, në KQZ kanë arritur edhe 392 pako me fletëvotime nga diaspora, teksa sot në Qendrën e Numërimit dhe Rezultateve pritet të përfundojë procesi i rinumërimit të 1,407 vendvotimeve, të cilat hynë në rinumërim pas një vendimi të PZAP-së.

Reporteri.net