Në Kosovë çdo ditë po rritet numri i të prekurve me coronavirus. Instituti Kombëtar i Shëndetit Publik ka bërë të ditur se sot janë identifikuar edhe dy raste të reja.

Sipas njoftimit të IKSHPK’së, sot në Laboratorin e Mikrobiologjisë Molekulare në IKSHPK me metodën RT-PCR, janë testuar njëzet (20) mostra të dyshimta për virusin SARS-CoV-2 dhe dy (2) prej tyre janë pozitive.

Dy prej rasteve pozitive janë raste kontakti njëri me vendbanim nga fshati Petrovë komuna e Shtimes, e gjinisë mashkull me moshë 44 vjeç dhe tjetra me vendbanim në Prishtinë nga komuna e Prishtinës e gjinisë femër e moshës 39 vjeç.

Me këto dy rastet e fundit, Kosova arrinë në 35 raste me coronavirus, dhe me një person të vdekur. /Reporteri.net.