Çmimet e derivateve kanë filluar të bien në gjithë botën. Një gjë e tillë ishte paralajmëruar edhe për Kosovë, por kjo gjë ende nuk ka ndodhur.

Kryetari i Shoqatës së Naftëtarëve të Kosovës, Fadil Berjani kishte paralajamëruar rënie të ndjeshme të çmimeve për këtë javë, gjë e cila ende s’po ndodhë.

Berjani, në një prononcim për Gazetën Online Reporteri.net, kishte thënë se çmimet do të bie për disa cent. 

Pavarësisht se në botë kanë rënë çmimet e derivateve, në Kosovë vazhdojnë të jenë me çmime të larta.

Nga 1.16 deri 1.20 vazhdon të kushto një liter dizel, ndërsa një litër benzinë nga 1.20 deri 1.25, aq sa ishin që javët e fundit.

Ndërkohë, rënie e ndjeshme e çmimit është parë në tregjet rajonale dhe botërore. Qeveria kroate shfuqizoi sot dekretin për çmimin e kufizuar të karburantit.