Ministria e Industrisë, Ndërmarrësisë dhe Tregtisë ka zbuluar detaje të hollësishme mbi “projektin gjigand” për të cilin paralajmëroi kryetari i Prishtinës, Përparim Rama, sot gjatë ditës.

Bëhet fjalë për një investim nga kompania gjermane e autotekstileve “MUNDA”, që prodhon tapiceri dhe tekstile për industrinë e automobileve, shkruan gazeta online Reporteri.net.

“Investimi i kompanisë Munda në Kosovë përveç 200 vendeve të reja të punës do të sjell edhe përvoja në fushën e tekstileve teknike me njohuritë e teknologjisë së ndriçimit të bazuar në LED. Një teknologji e re kjo që krijon mundësi krejtësisht inovative”, bëhet e ditur në njoftimin e MINT në Facebook.

“Një projekt gjigand po fillon”, çfarë po paralajmëron Komuna e Prishtinës

Sipas MINT, përfaqësuesit e kompanisë gjermane kanë treguar se planifikojnë ta zgjerojnë biznesin e tyre në Kosovë, me produkte të tjera dhe bashkëpunime me kompani vendore. /Reporteri.net/.

Njoftimi i plotë: