EULEX-i nxjerr edhe dy pako të tjera nga zyrat e OVL UÇK-së

Dy pako të tjera janë nxjerrë aktualisht nga zyret e Organizatës së veteranëve të UÇK-së, nga forcat speciale të EULEX-it.


Policët u panë teksa po dilnin me pako në duar nga zyra e OVL-së, megjithatë ende nuk dihet se çka saktësisht përmbajnë ato.

Ndërkohë pak minuta më parë, qytetarë të shumtë të grumbulluar para selisë së OVL të UÇK-së janë përleshur me pjesëtarët e Policisë së EULEX-it.

Ata po protestojnë pas arrestimit të kreut të OVL-UÇK, Hysni Gucati nga ana e EULEX-it, i cili po vazhdon bastisjet në zyret e kësaj organizate, shkruan Reporteri.

Protestuesit janë përleshur edhe me Policinë e EULEX-it  derisa disa prej tyre kanë gjuajtur shishe në drejtim të tyre.

Pas tensioneve policët e Kosovës kanë ndërhyrë për të qetësuar situatën duke krijuar një kordon para protestuesve.

Reporteri.net do të ju mbajë të informuar në lidhje me zhvillimet që po ndodhin aty.