Ish-deputeti i Kuvendit të Kosovës, Fadil Beka, dhe mjeku i Ushtrisë Çlirimtarë të Kosovës është ftuar nga Gjykata Speciale.
Ai ka konfirmuar për Reporteri.net se është ftuar nga Specialja, ndërsa ka treguar se ku ka qenë momentin që e ka marrë ftesën.
“Po dje kam marrë një ftesë nga hetuesia e Hagës. Kam qenë në spital kujdestar kur e kam marrë ftesën. Në Hagë do të udhëtoj më 28 tetor. Më kanë ftuar në cilësinë e dëshmitarit. Jam i ftuar në cilësinë e dëshmitarit”, ka thënë Beka për Reporteri.net.
Ai ka thënë se e ka pritur ftesën e Speciales pasi ka qenë dëshmitar edhe në proceset tjera gjyqësore.
Ai ka thënë se ka kërkuar që të intervistohet në Prishtinë, por Specialja i ka thënë se do të vendos ditët e ardhshme nëse i aprovohet kjo kërkesë. /Reporteri.net/.