Gruaja rome e cila para disa ditëve u sulmua fizikisht ne Lipjan si dhe në Ferizaj, krejt e kundërta i ngjau në Kaçanik, madje ajo u prit edhe me kafe në këtë qytet, shkruan Reporteri.net

Vetë personi i cili e qerasi me kafe gruan rome tregon se këtë veprim e bëri pasi që e kishe vërejtur që është e huaj në atë rreth.

‘Ajo erdhi kadal-kadal, shikojke anash kur unë u afrova afër saj, afër një metër thash a je për një kafe ajo tha bënë dhe erdh në këtë tavolin’, tregon Tafili i cili e qerasi me kafe gruan rome.

Ai tutje tregon se nuk kanë folur shumë pasi që gruaj grome nuk dinte shqip mirë, dhe supas tij ajo nuk dukej e rrezikshme.

‘Ajo nuk i shqiptoje mirë fjalët, folke rëndë. Këtë gjest që e kanë bërë duhet me dal publikish me tregu, tha ai tutje.

Ndërsa banorët e Kaçanikut thonë se një veprim i tillë këtu është i zakonshëm.

Ndërkaq, edhe pse Policia e Kosovës njoftoi se gruaja rome nuk paraqet rrezik dhe se nuk ka ndonjë vepër penale, ajo u sulmua fizikisht nga një i mitur në qytetin e Ferizajt.