×
  • Lajme
  • Lajme / 15-16 prill

    Forumi Ndërkombëtar për Gratë, Paqen dhe Sigurinë, Osmani nesër mban konferencë për media

    Reporteri
    13 Prill 2024 | 20:32

    Presidentja  e vendit, Vjosa Osmani nesër në orën 17:00 do të mbajë konferencë për media lidhur me Forumin Ndërkombëtar për Gratë, Paqen dhe Sigurinë, si dhe me rastin e 14 prillit, Ditës së të Mbijetuarve të Dhunës Seksuale gjatë luftës së fundit në Kosovë.

    Pjesë e kësaj konference që do të mbahet te monumenti “Heroinat” do jenë edhe Vasfije Krasniqi dhe Shyrete Tairi Sulimani.

    Në këtë konferencë, Presidentja Osmani do të shpalosë detaje para fillimit të Forumit Ndërkombëtar për Gratë, Paqen dhe Sigurinë, siç njofton Presidenca.

    Forumi për Gratë, Paqen dhe Sigurinë, do të mbahet më 15 dhe 16 prill 2024, në Prishtinë, ku do të marrin pjesë personalitete të shumta të jetës politike, shkencore, kulturore dhe nga shoqëria civile nga vende të ndryshme të botës.

    Presidentja Osmani ka njoftuar se forumi kësaj here do të trajtojë tema nga qëndrimi kundër dhunës seksuale gjatë luftës deri tek çështjet klimatike.

    Lexoni më shumë detaje rreth kësaj teme.

    Pas pak ditësh Forumi nën patronazhin e Presidentes Osmani që në thelb ka fokusin te gratë – Temat që do të trajtohen dhe kush janë të ftuarit

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!