Në një betejë që kërkon tejet kujdes sa i përket higjienës, ka ende nevojë për një vetëdijesim të qytetarëve se si të veprohet me masat mbrojtëse.

Këto fotografi nga qyteti, të shkrepura nga bashkëpunëtori i Gazetës Online “Reporteri.net”, fotografi Kushtrim Tërnava, shpërfaqin se si nëpër hapësira te ndryshme maska e dorëza po hidhen në tokë, nga disa banorë të papërgjegjshëm.

Masat dhe dorëzat mund të jenë mbrojtëse për ty, por nëse nga pakujdesia ato hidhen nëpër rrugët e trotuaret e qytetit, mund të jenë rrezik i madh për përhapje të virusit, përveç se edhe që e ndotin ambientin.

Megjithatë, siç tregojnë edhe fotografitë e Tërnavas, ka edhe nga ata që dinë se si të jenë të kujdesshëm, si ndaj vetvetes por edhe ndaj shëndeti publik, në përgjithësi.

Këto fotografi, Kushtrim Tërnava i ka shkrepur për Reporteri.net, të enjten, në Fushë Kosovë.