Ministria e Financave gjatë vitit 2022, ka shpenzuar vetëm 2% të buxhetit për investime kapitale, ndërsa ministria me më së shumti investime është Ministria për Komunitet dhe Kthim me 98%.

Kjo është bërë e ditur nga të dhënat e Institutit GAP.

Qeveria e Kosovës vazhdimisht kritikohet për mosrealizimin e projekteve të investimeve kapitale, ku sipas opozitës dhe njohësve të ekonomisë, realizimi i tyre është pothuajse zero për qind.

Në bazë të Raportit Financiar të Thesarit të Kosovës, investimet kapitale në periudhën gjashtëmujore të 2022-ës ishin vetëm 9 për qind, më e ulta në dhjetë vitet e fundit.