Shefi i GP të LDK-së , Arben Gashi gjatë seancës së sotme i ka kujtuar kreut të ekzekutivit, Albin Kurti se me privatizime është marrë edhe ushtruesja e detyrës së shefes së GP të VV-së, Mimoza Kusari-Lila.
Gashi po ashtu, gjatë fjalimit të tij, ka deklaruar që është i interesuar se a janë për liberalizim të tregut apo sistemin e rregulluar nga Qeveria Kurti 2.
“Unë e kuptojë që procesi i privatizimit ka ndodhur tash e disa dekada por besoj që ju është dashur që të konsultoheni me shefen e Grupit Parlamentar tuaj që ka rol në këtë proces. Ju nuk po na tregoni se për cilin koncept jeni. Po më intereson a jeni për liberalizim të tregut apo për sistemin e rregulluar nga Qeveria. Tash jeni qeveri dhe të paktën këtë e dini tash”, tha Gashi.