Ministrja e Punëve të Jashtme dhe Diasporës, Donika Gërvalla, prit sot në takim shefin e Zyrës së Bashkimit Evropian në Kosovë, Tomáš Szunyog.

Në takim janë diskutuar tema të ndryshme, përfshi zhvillimet e fundit në Kosovë, me përfundimin e suksesshëm të konstituimit të institucioneve të reja pas zgjedhjeve të 14 shkurtit.

Ministrja Gërvalla ka shfaqur besimin se me përfundimin e këtij procesi janë krijuar mundësitë që institucionet t`i adresojnë të gjitha çështjet, teksa sfidë mbetet përballja me pandeminë dhe efektet e shkaktuara nga ajo.

Gërvalla ka potencuar rëndësinë e bashkëpunimit me Bashkimin Evropian dhe vendet anëtare, për sigurimin e vaksinës për të gjithë qytetarët e Kosovës, në një kohë sa më të shkurtër.