Kreu i partisë, FJALA, Gëzim Kelmendi, ka reaguar pas vendimit që shteti serb e mori për shpalljen e gjendjes së jashtëzakonshme në veri të Kosovës.

Ai thotë se karantina në veri të Mitrovicës nga Serbia është bërë me dijeninë e institucioneve shtetërore.

Kelmendi thotë se krerët e shtetit po heshtin për shkeljen e integritetit territorial në veri të Mitrovicës, shkruan Reporteri.net.

Postimi i tij:

Të dashur pjesëtar të Policisë së Kosovës!

Sa më vjen keq për ju.
Sa e sa gurët dhe tjegullat kanë rrënë mbi kokën tuaj.
Sa e sa shishe molotovi kanë rënë mbi trupin tuaj.
Sa e sa shumë prej jush keni mbetur me pasoja fizike të përjetshme.

A thua vallë kush iu bëri këtë?

Këto sulme i kishit nga ata që kundërshtonin çdo gjë që vinte nga Serbia.
Ndërsa sot ata me krenari thonë:
– mjekët nga Serbia po e ndihmojnë Kosovën,

-karantina në veri të Mitrovicës është bërë nga Serbia por me dijeninë tonë,

-Po këta po heshtin për shkeljen e integritetit territorial në veri të Mitrovicës.

-Po këta ia dhuruan 2 ministri Listës Serbe pa e votuar ajo fare qeverinë e tyre.

-Po këta që dikur rrokullisnin kamionët që vinin nga Serbia, sot ia hapën dyert e mbyllura këtyre kamionëve.

Nuk u desht ma shumë se 60 ditë për ta treguar këta fytyrën e vërtetë të ideologjisë së tyre.

Të dashur polic, as PAN-i në të kaluarën, as LDK-ja dhe tani as këta të VV-së nuk po iu dhurojnë atë çka vërtetë e meritoni.

Por mos keni merak, se është dikush që nuk iu harron, që nuk iu humbë mundin dhe iu shpërblen.
Ai është ZOTI i Madhëruar.
ZOTI iu ruajt polic të dashur të Kosovës .

Gëzim Kelmendi

https://www.facebook.com/gezimkelmendipersonal/posts/3258847624139266