Drejtori i të ashtuquajturës Zyre për Kosovën në Qeverinë e Serbisë, Marko Gjuriq, ka thënë se Serbia është e gatshme të arrijë marrëveshje me Kosovën nëse kjo e fundit i garanton serbëve në veri autonomi me standardet më të larta evropiane dhe botërore.
Megjithatë Gjuriq ka kritikuar kryeministrin e Kosovës Ramush Haradinaj, për çasjen e tij anti-dialog me Serbinë.
“Për dy vite, Haradinaj ka shkatërruar të gjitha marrëveshjet Kosovë – Serbi. Ai është duke bër gjithçka që ta ulë rëndësinë e dialogut Beograd – Prishtinë.
Kjo po ndodhë në sytë e gjithë botës” ka thënë Gjuriq.
Ndërkaq, dje Lista Serbe ka deklaruar hapur qe janë në koordinim të plotë me Vuçiqin për çdo veprim të tyre.
