Deputeti i zgjedhur i PDK-së, Përparim Gruda ka thënë se është Lëvizja Vetëvendosje, ajo e cila me këmbëngulje të pakuptimtë po bllokon këtë proces.

Sipas tij, VV nuk është e interesuar për konstituimin e Kuvendit.

“Gjasat janë që të ndodh e njëjta, sepse siç e shihni, partia që është fituese relative e zgjedhjeve nuk do që ta konstituojë, dhe nuk do që të sillet në mënyrë kushtetuese dhe ligjore, por do që me një këmbëngulje të pakuptimtë ta bllokojë procesin e konstituimit të Kuvendit, dhe ne nuk duam që të vendosemi në një pozicion ku na imponohet një mënyrë e votimit”, u shpreh Gruda në Klan Kosova.