Ditëve të fundit ka pasur disa raste të vjedhjeve të telefonave në Kosovës.

Tri raste janë raportuar vetëm gjatë ditës së djeshme, një në Pejë dhe dy në Prishtinë, shkruan Reporteri.

Gjatë ditës së djeshme një qytetar ka raportuar në polici se vajza e tij e mitur derisa ishte duke ecur në këmbë, një person i panjohur, i cili lëvizte me biçikletë, ia kishte grabitur telefonin nga dora. Sipas policisë rasti ka ndodhur dje rreth orës 12:00 në Pejë. Ankuesi ka raportuar se vlera e telefonit ishte 1 mijë e 100 euro.

Rasti vazhdon të jetë nën hetime.

Vjedhje të telefonave gjatë ditës së djeshme ka pasur edhe Prishtinë.

Dy femra kanë raportuar në Policinë e Kosovës, se nën kërcënimin e thikave u janë grabitur telefonat celularë nga persona të panjohur.

“Viktima femër kosovare ka raportuar se një person i panjohur ia ka marrë telefonin duke e kërcënuar me mjet të mprehtë – thikë. Viktima mashkull kosovar ka raportuar se një person nën kërcënim të mjetit të mprehtë – thikë i ka kërkuar para dhe telefonin dhe më pas është larguar në drejtim të panjohur”, thuhet në raportin e Policisë së Kosovës.