Në kohën kur liderët e partive po heshtin rreth bisedimeve VV-LDK, fjalët unifikuese që duhet t’i thonë ata po i nxjerrin anëtarë më të thjeshtë të partisë.

Kësaj radhe, në vend të Albin Kurtit, si burrështetas që kërkon unifikim ka folur Haki Abazi, i sapoardhuri në parti.

Siç thotë Abazi, tani është koha për vendime dhe përgjegjësi të mëdha e jo për fjalë që, sipas Abazit, rëndojnë e vonojnë marrëveshjen.

“Është koha për vendime dhe përgjgjesi të mëdha dhe jo për deklarata e fjalë që mund të rëndojnë dikë apo të vonojnë marrëveshjen LVV-LDK. Përgjegjësia për fjalën e thënë publikisht sot duhet të jetë më e madhe se asnjëherë më pare”, ka shkruar Abazi.

Sidoqoftë, fjalët e Haki Abazit nuk duket se tregojnë qëndrimin e partisë, pasi VV-ja mbrëmë i refuzoi të gjitha pikat e ofertës së fundit të LDK-së./Reporteri.net