Haliti i PDK-së: Albin Kurti dha urdhër që Aida Dërguti të më godasë me vezë në Kuvend, ajo nuk pranoi

Nënkryetari i Partisë Demokratike të Kosovës dhe deputeti i kësaj partie, Xhavit Haliti ka thënë se Aida Dërguti nuk e kishte dëgjuar Albin Kurtin për ta gjuajtur me vezë në Kuvend gjatë kohës kur Vetëvendosje ishte në opozitë dhe Kuvendi po votonte për demarkacionin me Malin e Zi.


Ai ka thëën se Dërguti gjatë asaj kohe ka qenë nënkryetare e Kuvendit, njëjtë si Haliti.

“Gjuatjet ndaj meje Kurti ia kishte kërkuar t’i bënte Aida Dërguti, por që nuk kishte pranuar. Sepse Dërguti më ka njohur mua mirë. Unë nuk jam kundër kërkujt. Betejat e mia i kam bërë me Serbinë”, ka thënë Haliti.

Haliti madje është pyetur nëse do të hakmerret edhe ndaj Kurtit i cili e kishte gjuajtur me ujë dhe vezë.

“As që kam mendu me ja kthy najhere. Bile bile unë kam dalë edhe kundër procesit kundër tyre që ka qenë”, ka thënë Haliti në Info Magazine.