Kryetari i Mitrovicës, Bedri Hamza, gjatë një vizite të paparalajmëruar në Paris, ka zhvilluar takime me zyrtarë të lartë nga kabineti i Presidentit Macron dhe Ministria e Jashtme e Francës.

Kjo u bë e ditur nga vetë Hamza përmes një postimi në “X”, teksa ka shkruar se gjatë takimeve atje ka theksuar rëndësinë jetike për Republikën e Kosovës, përfshirë edhe mbështetjen historike të Francës në proceset integruese euroatlantike.

“Kam pasur takime të mira me zyrtarë në Paris dhe theksova rëndësinë jetike për Republikën e Kosovës, mbështetjen historike dhe të vazhdueshme të Francës në proceset integruese euroatlantike. Kam vënë në dukje shumë fusha si ekonomia, mbrojtja etj. ku mund të forcohet ky bashkëpunim”, thuhet në postimin e plotë të Hamzës.

Hamza më tutje ka falënderuar nikoqirët e takimit duke postuar: “Falënderoj z. Bertrand Buchwalter, këshilltar i Presidentit Emanuel Macron për Europen kontinentale dhe Turqinë, Ambasadorin René Troccaz, të deleguarin special për Ballkanin Perëndimor, znj. Marguerite Costa de Beauregard, drejtoreshë për Ballkanin në Ministrinë e Punëve të Jashtme të Francës, për angazhimin e tyre për progresin në Ballkan dhe Kosovë.”

Kujtojmë se kjo vizitë e paparalajmëruar është e dyta që Bedri Hamza bën në kryeqytetet e shteteve te Quint-it, pas një vizite në gusht në SHBA, ku u prit në Shtëpinë e Bardhë. /Reporteri.net/.

I had good meeting with officials in Paris and I emphasized the vital importance for Republic of Kosovo of France’s historic, continuous support in Euro-Atlantic integration processes. I noted many fields such as economy, defense, etc. where this cooperation can be strengthened.

— Bedri Hamza (@bedrihamzarks) October 17, 2024