Ministrja e Drejtësisë, Albulena Haxhiu, ka reaguar pas vrasjes së gruas 48-vjeçare nga burri i saj në fshatin Llaushë të Skenderajt, shkruan Reporteri.net.

“Edhe sa gra duhet të vriten nga bashkëshortët, në mënyrë që të ketë veprime dhe reagime të menjëhershme në rastet e dhunës në familje?”, shkroi Haxhiu në Facebook.

Për vrajsen e rëndë në Llaushë të Skenderajt, thotë Haxhiu, janë përgjegjës institucionet prandaj përveç dënimit maksinal për vrasësin, urgjentisht duhet të ndërmerren masa disiplinore e penale ndaj të gjithë atyre që nuk mbrojtën jetën e të ndjerës.

“Nuk kanë vend në institucione këta njerëz!”, shkroi Haxhiu.