Kryetari i Komunës së Gjilanit, Lutfi Haziri, ka ngushëlluar familjen Haliti pas humbjes tragjike të tre anëtarëve në Shqipëri teksa dyshohet se të njëjtit janë helmuar nga ushqimi.

Haziri nëpërmjet një telegram ngushëllimi kërkon që rasti të zbardhet sa më shpejt nga autoritetet e Republikës së Shqipërisë.

“E nderuar familje Haliti, me trishtim e mora lajmin për ndarjen nga jeta në mënyrë tragjike të tre anëtarëve të familjes suaj, në Shqipëri, Elfete, Afrim e Ferzinaze Haliti. Kjo tragjedi na ka tronditur të gjithëve dhe apeli im është që të ndriçohet rasti sa më parë nga autoritetet e Republikës së Shqipërisë. Familje e dashur Haliti, ju lus që të bëheni të fortë për ta përballuar këtë tragjedi që na tronditi të gjithë. Zoti ua lehtësoftë dhembjen!”, thuhet në telegram.