Lidhja e Historianëve të Kosovës “Ali Hadri”, dega në Deçan, është shprehur e shqetësuar rreth presionit ndërkombëtarë që Komuna e Deçanit të bartë në pronësi të Manastirit të Deçanit, 24 hektarë tokë të ndërmarrjeve “Apiko” dhe “Iliria”.

Për historianët të grumbulluar rreth LHK-së, këto prona që Manastirit të Deçanit ju kanë dhënë me vendimin e Gjykatës Kushtetuese të Kosovës të drejtuar nga Arta Rama-Hajrizi, është i bazuar në ligjet e kohës së masave të dhunshme të kohës së Sllobodan Millosheviqit.

“Ne konsiderojmë se vendimi i Gjykatës Kushtetuese të Kosovës, i nënshkruar nga Arta Rama-Hajrizi, ka bërë precedent të rrezikshëm për Deçanin dhe Kosovën, si dhe për rendin e ri kushtetuese të Republikës së Kosovës, andaj mbështetur në argumentin se vendimi i Gjykatës Kushtetuese i Republikës së Kosovë, i majit 2016, i nënshkruar nga Arta Rama-Hajrizi, ku legalizohen vendimet e Millisheviqit, ka goditur rend Kushtetutën dhe realitetin e ri në Kosovë”, tuhet në deklaratë.

Më tutje, historianët e Deçanit kërkojmë dorëheqjen morale dhe të parevokueshme të Arta Rama-Hajrizit nga detyra e kryetares së Gjykatës Kushtetuese të Republikës së Kosovës.

“Gjykatësja Rama-Hajrizi duhet të jap dorëheqje si akt moral i gabimit të saj trashanik dhe të pa falshëm. Ajo me nënshkrimin e akt gjykimit të majit 2016 ka rrezikuar dhe është duke e rrezikuar jetën e qytetarëve dhe sigurinë në Deçan dhe rrethinë”, mbyllet deklarata.