Kryeministri i Kosovës, Avdullah Hoti është pyetur sot në Tiranë për dialogun me Serbinë, konkretisht kushtëzimet që po i bën Beogradi për diskutimin e temës së Asociacionit.

Hoti ka ripërsëritur qëndrimin e tij se kjo çështje është temë e mbyllur, dhe se statusi i Asocacionit duhet të jetë sipas Kushtetutës së Kosovës.

Sipas Hotit, Asociacioni është obligim shtetëror i Kosovës i ratifikuar në Kuvend.

“Asociacioni është temë e mbyllur në marrëveshjen e vitit 2013 ku janë vendosur edhe normat kushtetuese që statuti duhet të jetë në përputhje me Kushtetutën. Është obligim shtetëror i Kosovës i ratifikuar në Kuvend”, tha ai.

Këto janë 14 marrëveshjet e nënshkruara sot me Shqipërinë:

Marrëveshje për Zbatimin e Lehtësirave të Ndërsjella në Procedurat Doganore të Kontrollit të Hyrje-Daljeve së Mallrave.

– Bashkëpunim në fushën e transportit hekurudhor

– Krijimi i fondit të përbashkët në mbështetje të Luginës së Preshevës

– Bashkëpunim dhe ndihmë të ndërsjelltë në raste fatkeqësish Natyrore dhe fatkeqësive të tjera

– Bashkëpunim të ndërsjellë në fushën e sigurisë

– Marrëveshje për shmangien e Tatimit të dyfishtë mbi të Ardhurat dhe mbi Kapitalin si dhe për Parandalimin e Evazionit Fiskal

– Marrëveshje bashkëpunimi mes MF dhe Ministrise së Ekonomisë dhe Punësimit

– Krijimi i Korridorit Digjital 5G

– Themelimi i Ligës së Përbashkët të Basketbollit

– Platformë e përbashkët digjitale të Arsimit parauniversitar

– Kalendar i Përbashkët Kulturor vjetor

– Marrëveshje për bashkëprodhim të Filmit

– Memorandum bashkëpunimi mes Ministrive të Kulturës

– Marrëveshje për përballimin e Covid 19