Anëtari i kryesisë dhe deputeti i Lidhjes Demokratike të Kosovës, Avdullah Hoti ka folur për letrën që kreu i VV-së, Albin Kurti i ka dërguar sot kreut të LDK-së, Isa Mustafa.

Hoti ka thënë se nuk e marrin si zyrtare këtë letër duke thënë se forma e komunikimit me letra është e papërshtatshme.

Hoti ndër të tjera ka thënë se Lëvizja Vetëvendosjet me veprimet e fundit tregon se nuk është e interesuar për koalicion me LDK-në, shkruan Reporteri.net.

“Ne i kemi ofru të gjitha mundësitë që punojnë me ta. Kemi hequr dorë nga disa parime bazë vetëm që të punojmë me ta. Duke e ditur se sa parti e besueshme është LDK. Ne kemi përvojën dhe kuadrot më të mira në ndërtimin e institucioneve, e cila mund të vihet në funksion të realizimit të programit. Unë jam i bindur që ata nuk janë duke e vlerësuar partneritetin me LDK-në. Kjo është përshtypja ime nga takimet që kemi pasur”, u shpreh ndër të tjera ai.