Një personi i kanë humbur 50 euro në një nga autobusët e Linjës 1 të Trafikut Urban në Prishtinë.

Trafiku Urban përmes një postimi në Facebook, e ka ftuar personin që të lajmërohet në zyret e administratës për t’i marrë paratë, derisa ka njoftuar se personi që do të paraqitet do të identifikohet nga video incizimet e kamerave të autobusit.

“Në njërin nga autobusët tanë të Linjës 1 është gjetur një kartëmonedhe me vlerë 50 euro. Personit të cilit i kanë humbur këto mjete, të lajmërohet në zyret e administratës, i cili pastaj do të identifikohet nga video incizimet e kamerave të autobusit”, thuhet në njoftim.