Ministri i Drejtësisë, Selim Selimi e ka liruar nga pozita e këshilltarit, Enis Qerkën që ishte arrestuar pasi që ishte kapur me 113 kilogramë drogë.

Selimi ka shkruar në Facebook se këtë veprim e ka marrë pas raportimit të sotëm të mediave.

“Sot në mëngjes pas raportimit të mediave, kam liruar nga detyra Enis Qerkën”, ka shkruar ministri.

https://www.facebook.com/selimselimiks/posts/174161624318290?__xts__%5B0%5D=68.ARAxJ2HC7Bx0v8KpHv6OPfWfdX2M8LHxhvJL-IoSt5QM9Sx_0fYGcmuCrEx1-4oiEPmhtUQzLVsyb13YiqzhGd_5EiWxY5hAak6ujWMtraEz4j5G6Tp3LOQ2aSOVq1C3hg6LhYTDhsHvyE8Vi7YAd9WKxFT3usGj6qP6GCfWnJv7ETGM3PnyqRVgfUuzVKaFFvVcdCRECHq7b2PSG4xw4jBqGo-7H_AI-o9GvgppcQO1yM2imAHNeXA3vansIx1m5GpktBeKGjyDprlfhGW2U7MXTeWBc5ThuJULiiUpmL8uC36_nlgFRhh2cqQHmEBm5wvvWG38k6NpBz_Jy9w&__tn__=-R

Sot në media është raportuar se i nën dyshimin se është kapur me 113 kilogramë drogë, Enis Qerka, është emëruar këshilltar i jashtëm politik i ministrit të Drejtësisë, Selim Selimi.

Vendimin për emërimin e tij Ministria e Drejtësisë nuk e ka bërë publik sikurse për këshilltarët e tjerë të ministrit.

Enis Qerka u bë i njohur në opinion kur u arrestua në kufirin Kosovë-Maqedoni me dyshimin se ishte i përfshirë në kontrabandimin e 113 kilogramëve narkotikë të llojit heroinë, në dhjetor 2018.

Enis Qerka punonte në Byronë Kosovare të Sigurimeve të udhëhequr nga vëllai i presidentit Hashim Thaçi, Gani Thaçi në momentin kur u kap nga policia.