Në orët e pasdites së sotme personi i shumëkërkuar, Kastriot Shala është dërguar në burgun e Sigurisë së Lartë.

Bashkë me Shalën, në vuajtje janë dërguar edhe Kastriot Shala, Arbnora Bunjaku, Etnik Mustafa dhe Rinor Demi.

Reporteri gjatë ditës së djeshme ka raportuar se pas një aksioni, Policia e Kosovës ka vënë në pranga të shumërkërkuarin Kastriot Shala.

Baki Kelani zëdhënës i policisë e ka konfirmuar për Reporteri.net arrestimin e Shalës, dhe ka treguar se kur është arrestuar dhe si.

“Mund të konfirmojmë se pas hetimeve intensive dhe veprimeve profesionale të njësiteve policore, sot rreth orës 15:30 në Hajvali është arrestuar i dyshuari (K.Sh.) i cili ka qenë në arrati dhe në kërkim policor”, ka thënë Kelani për Reporterin.

Ai më tej ka treguar se i dyshuari gjendej me një veturë të tipit Golf 7, kur është ndalur dhe arrestuar më pas nga policia.

“Vlen te potencohet se i dyshuari ka qenë në posedim të një arme me një karikator në brez si dhe një karikator e kishte brenda në veturë”, tregon Kelani.

Kujtojmë se Kastriot Shala së bashku me Ridvan Ademin e Leutrim Latfin dyshohen të jenë akterët kryesorë në një numër të madh të grabitjeve që ndodhën në territorin e Kosovës.
Policia kishte ofruar shpërblim prej 5000 eurosh për ata që ndihmojnë në gjetjen e tre të dyshuarve për grabitje, në mesin e të cilëve ishte edhe Shala.

Edhe pse ishin në arrati, Shala bashkë me Leutrim Latifin përmes Facebookut kishin bërë shaka me kërkesën për arrestimin e tyre. Madje kishin pasur edhe video-live nga Spanja, siç thoshin ata. /Reporteri.net/.