×
  • Lajme
  • Lajme

    Imami nga Peja: Ajetet kuranore të lexohen në shqip e jo arabisht

    Reporteri
    15 Maj 2019 | 22:19

    Imami nga Peja, Drilon Gashi, ka bërë një kërkesë në drejtim të imamëve të xhamive, që ajetet kuranore të lexohen në gjuhen shqipe.


    Sipas Gashit leximi i ajeteve kuranore është më mirë të lexohen në shqip, sesa në arabisht,  pasi sipas tij shumica nuk e kuptojnë gjuhën arabe, shkruan Reporteri.net.

    Postimi i Gashit në Facebook:

    Është bërë traditë në disa xhami të vendit tonë që gjatë Ramazanit të bëhet “khatme” i gjithë Kurani.

    Shumë imamë nëpër xhamitë tona, çdo ditë e lexojnë nga një “xhuz” (1/30 pjesë e Kuranit) para namazit të sabahut, pas tij ose para drekës, në gjuhën arabe.

    Mirëpo, shumica dërrmuese e atyre që dëgjojnë, nuk po kuptojnë asgjë prej recitimit!
    Kurani i Shenjtë ka zbritur që të meditohen ajetet e tij dhe të punohet me të, prandaj mendoj unë, ma sevap është tua lexojnë xhematit në gjuhën shqipe, sesa arabisht.

    Studimi, soditja dhe përsiatja rreth një kaptine të vetme të Kuranit, është më e lëvdueshme të Zotit sesa recitimi i tërë kuranit pa vëmendje gjithashtu.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!