Ish-kryeministri i vendit Isa Mustafa, ka thënë se qeveria aktuale me mos veprim po e dëmton shtetin e Kosovës. Sipas tij mungesa e investimeve nga ana e qeverisë ka bërë që të kemi ngadalësim të rritjes ekonomike, më pak mjete në qarkullim dhe me shumë varfëri.

Ish kryeministri Mustafa ka thënë se në kohën e qeverisjes së tij investimet e bëra kanë ndikuar që të kemi rritje të vazhdueshme ekonomike.

Në anën tjetër ai pohon se kjo qeveria nuk ka as projekte e as mëndësi të zhvillimit, tregues për këtë është fakti se kanë shpenzuar vetëm 9% nga mjetet e ndara për investime kapitale.

Ish kryeministri ka kritikuar edhe mënyrën e tenderimit për ndërtimin e infrastrukturës nga ana qeverisë Kurti.

“Në kohën e qeverisjes time nuk kemi pasur në kompani tonën, i gjithë procesi është zhvilluar me tender publik, ndërsa shumica e kontratave që lidh kjo qeveri janë një burimore, pra s’ka process të tenderimit fare”, ka shtuar ai në T7.