Qytetarët e Kosovës janë duke u përballur me rritje rekorde të çmimit të derivateve.

Ish-kryetari i Autoritetit Kosovar të Konkurrencës, Valon Pestreshi ka parlajmëruar se rritja e çmimit në gusht të këtij viti pritet të prekë vlerën 2.30 uro për litër.

“Bazuar në një punim parashikues ekonometrik të JP morgan, çmimet e derivateve deri në gushtë/22, pritet të prekin vlerat deri në 7$/galon.

Ndërsa qeveria Amerikane pritet të ndarmarr masa të shpejta lehtësuese, duke zbatuar politika të uljeve të taksave dhe shtimin e subvencioneve.

Por asnjëherë nuk ndërhynë në përcaktimin e marzhês së fitimit apo të çmimit shitës, sepse America ka ekonomi të tregut.

Në vendin tonë, deri në gusht/22 çmimet e derivateve pritet te prekin vlerat 2.30€/liter.

Ne si qytetarë të Republikës së Kosovës idenë nuk e kemi se çfarë masa mbrojtëse do të ndërmerr Qeveria jonë!”, shkruan ai.

Në disa pika në karburanteve, një litër naftë është duke u shitur me 1 euro e 90 cent.

Ditë më parë Shoqata e Naftëtarëve ka dalë me një ultimatum ndaj Qeverisës së Kosovës, pasi kjo e fundit paralajmëroi ndërhyrje në rregullimin e çmimit që ka pësuar rritje ekstreme ditëve të fundit.

Fadil Berjani u ka kërkuar kryeministrit Albin Kurti dhe ministrave ulje të akcizës dhe TVSH-së për produktet e naftës.

Ai ka paralajmëruar edhe mbyllje të pompave të derivateve në gjithë vendin, nëse kërkesat e tyre nuk merren parasysh.

Ndërkohë deri më tani asnjë reagim nga Qeveria e Kosovës.