Faton Abdullahu, ish-këshilltar i ish-kryeministrit Isa Mustafa, ka dhënë disa arsye që sipas tij po e vonojnë certifikimin e zgjedhjeve dhe zgjedhjen e qeverisë së re.
Sipas tij sa më e ndërlikuar bëhet KQZ-ja (PZAP – i Gjykata etj.) në procesin e (ri) numërimit të votave dhe certifikimit të tyre aq më ngeshëm po e marrin VV dhe LDK procesin e marrëveshjes për krijimin e qeverisë, shkruan Reporteri.net.
Postimi i tij:
Disa arsye dhe efekte të vonesës së certifikimit të zgjedhjeve dhe krijimit të qeverisë së re
Sa më e ndërlikuar bëhet KQZ-ja (PZAP – i Gjykata etj.) në procesin e (ri) numërimit të votave dhe certifikimit të tyre aq më ngeshëm po e marrin VV dhe LDK procesin e marrëveshjes për krijimin e qeverisë. Për rrjedhojë nuk ka konkretizime inkurajuese nga takimet e grupeve punuese të partive që dolën fituese për krijimin e qeverisë së re. Pse ?
Çfarë po ndodh? Kujt po i konvenon krejt kjo vonesë? A është një qendër, klan apo mekanizëm i cili ka ndikim dhe mund ta bëj gjithë këtë vonesë koklavitëse apo e tëra është një papërgjegjësi me gabime plotë javashllëk ballkanas të atyre që thjeshtë nuk po e kryejnë punën ashtu si duhet.
1) A po bëhet KQZ-ja me mos certifikim të zgjedhjeve pengesë për dialog siç ishte bërë taksa e Qeverisë së kaluar?
2) Kujt po i konvenon vonesa e certifikimit të zgjedhjeve?
3) Kujt nuk po i konvenojnë rezultatet aktuale të zgjedhjeve?
4) A mund ta përmbysin rinumërimet rezultatin aktual?
5) Hyrja e NISMA-s a mund të determinoj balance te reja që e dobësojnë VV-n?
6) A ka zvarritje të qëllimshme për krijimin e qeverisë dhe për çfarë arsye bëhen ato?
7) A është zvarritja për ta bërë qeverinë, qasje e koordinuar (VV LDK) që rezulton nga frika prej të panjohurave që mund të sjell dialogu?
8) Me prolongimin e krijimit të qeverisë a po i bishtnohet trysnisë së SHBA-ve për të hy në dialog me Serbinë menjëherë?
9) A do të vazhdoj ftohja e raporteve me partnerët tanë ndërkombëtar që duan të ngutemi dhe ta fillojmë dialogun menjëherë?
10) A ka gjasa që të shkohet prapë në zgjedhje sepse LDK-ja ja ka frikën dallimeve të mëdha me VV-n të cilat mund të bëhen barriera të pakalueshme për bashkëqeverisje?
11) A ka kohë që krejt kjo të merret me nxitim sepse për dialog nuk është gati as Serbia që pas pak muajsh do të shkoj në zgjedhje?
12) A mund të jenë interesat partiake e klanore përbrenda partive për ndarjen e ministrive që e prolongojnë pajtimin e nevojshëm për qeverisje?