Ministri i Shëndetësisë, Arben Vitia, ka thënë se pas kthimit nga Zvicra edhe Behgjet Pacolli do të vendoset 2 javë karantinë.

Ndaj kësaj ka reaguar, Jetlir Zyberaj, këshilltar i Pacollit.

Zyberaj përmes një postimi në Facebook ka shkruar se ideja për karantinë në një konvikt studentor është një model kinez që nuk është aplikuar në vendet e përparuara të Evropës, shkruan Reporteri.net.

Postimi i tij:

z.Behgjet Pacolli ka respektuar rreptësisht rregullat e autoriteteve zvicerane dhe ka qëndruar në shtëpinë e tij në Lugano në mbyllje në javët e fundit që nga shpërthimi i virusit. Ai nëse vjen, vjen direkt nga shtëpia e tij, me avion privat duke respektuar rregullat e udhëzuara në Zvicër.

Si del se autoritetet e Kosovës nuk kanë besim në rregullat e zbatuara nga autoritetet zvicerane?.

Ideja për karantinë në një konvikt studentor është një model kinez që nuk është aplikuar në vendet e përparuara të Evropës.

https://www.facebook.com/jetliri88/posts/10216641668929966