Drejtori i Gazetës Online “Reporteri.net”, Bekim Kabashi ka thënë se masat e reja do ta dëmtojnë ekonominë e Kosovës dhe nuk do të kenë efekt për parandalimin e coronavirusit.
Ai ka thënë se përderisa janë marrë masat për mbylljen e gastronomisë dhe masat e tjera, kufijtë kanë mbetur të hapur dhe kjo lë hapësirë që qytetarët e Kosovës të vizitojnë në fundjavë vendet fqinje.
“Do ta shihni në fundjavë mijëra qytetarë do të shkojnë në Shqipëri dhe virusi do të bartet. Të gjitha paratë që mund të shpenzoheshin këtu do të shpenzohen në një shtet tjetër kurse virusi do të bartet”, ka thënë Kabashi në Politiko të Kanal10 ku po dikutohet për efektet e izolimit.