Policia e Kosovës njofton se ka arrestuar dy shtetas të Shqipërisë në pikën kufitare në Vërmicë pasi në veturën e tyre ka gjetur afër 17 kg drogë, raporton Reporteri.net.

“Sot rreth orës 11:00, në pikën e kalimit kufitar Vërmicë, gjatë realizimit të detyrave zyrtare të zyrtarëve policorë dhe zyrtarëve të Doganës së Kosovës, një veturë me targa të Republikës së Shqipërisë është caktuar për kontroll në ‘vijën e dytë’.
Gjatë realizimit të kontrollit të detajuar të veturës është vërejtur se ka dysheme të dyfishtë. Pas hapjes së hapësirës është vërejtur se aty është fshehur substancë e dyshuar narkotike e llojit marihuanë.
Për rastin është njoftuar njësiti i antidrogës së Prizrenit, të cilët kanë sekuestruar gjashtëmbëdhjetë paketime të mbështjella, me peshë të përgjithshme: 16 kg e 954 gr.
Lidhur me rastin janë arrestuar dy të dyshuar meshkuj, shtetas të Republikës së Shqipërisë. Kurse, si provë materiale është konfiskuar një veturë dhe dy telefona celularë”, thuhet në njoftimin e policisë.

Polciai njofton se me aktvendim të prokurorit kompetent, të dyshuarit janë dërguar në mbajtje për 48 orë. /Reporeteri.net/.