Katër pacientë të infektuar me coronavirus kanë humbur jetën në 24 orët e fundit në Kosovë, teksa janë konfirmuar edhe 45 raste të reja pozitive.

Bazuar në të dhënat e Institutit Kombëtar të Shëndetësisë Publike të Kosovës, Ministria e Shëndetësisë ka bërë të ditur se të enjten janë shëruar edhe 298 pacientë që ishin të infekuar me virusin SARS CoV-2, duke e çuar kështu shifrën totale të të shëruarve në 154.191, shkruan Reporteri.net.

Në 24 orët e fundit janë vaksinuar 15.910 qytetarë, ndërsa që nga fillimi i procesit të vaksinimit janë administruar gjithsej 1.328.825 doza të vaksinës anti-COVID.

Aktualisht janë 2.928 raste aktive me coronavirus në vend.

Ky është njoftimi i plotë i MSH-së:

30 Shtator 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:

Në 24 orët e fundit janë dhënë 15.910 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 1.328.825 doza të vaksinës.

Deri më sot 530.959 qytetarë janë vaksinuar me dozën e dytë.

Nga 3.380 testime, 45 qytetarë kanë rezultuar pozitiv me virusin COVID-19.

Gjatë 24 orëve të fundit, janë shënuar 4 raste të vdekjes.

Sot janë shëruar 298 qytetarë, derisa numri i përgjithshëm i të shëruarve është 154.191

Në total numri i rasteve aktive është 2.928

Të dhënat e detajuara mund të i gjeni në linkun:

https://datastudio.google.com/…/2e546d77…/page/MT0qB

Mbani maskat!

Respektoni distancën!

Mbani higjienën!

/Reporteri.net