Korporata Energjetike e Kosovës (KEK) ka sqaruar sot se roli i saj si Furnizues i Mundësisë së Fundit (FMF) është një obligim ligjor i përkohshëm, dhe jo një garanci afatgjatë për furnizim me energji elektrike.

Në një takim me përfaqësues të bizneseve dhe organizatave ekonomike, KEK theksoi se furnizimi i përkohshëm është në përputhje me vendimin e Zyrës së Rregullatorit për Energji (ZRRE) dhe vlen për një periudhë maksimale prej 60 ditësh.

Nga data 1 qershor 2025, KEK ka filluar automatikisht furnizimin me energji për konsumatorët që nuk kanë zgjedhur ende furnizues në tregun e lirë dhe që janë shkëputur nga KESCO.

“KEK gjithashtu ka njoftuar përfaqësuesit e bizneseve se, sipas rregullores së ZRRE-së dhe legjislacionit në fuqi, nga data 01.06.2025 ka filluar automatikisht furnizimi me energji për konsumatorët që ende nuk kanë zgjedhur furnizues në tregun e lire dhe te cilet nga kjo date jane shkyqur nga KESCO si FSHU.

Gjithashtu, KEK ka kërkuar bashkëpunimin e përfaqësuesve të bizneseve që t’u bëjnë thirrje anëtarëve të tyre për nënshkrimin sa më të shpejtë të kontratave me KEK-un si FMF, në mënyrë që ky proces i rëndësishëm për sektorin energjetik të zhvillohet me sukses, pa ndërprerje dhe në përputhje me kornizën ligjore”, thuhet mes tjerash ne njoftim.