Miku i madh i Kosovës, Eliot Engel, fundvitin e kaluar kishte iniciuar një rezolutë në Kongresin amerikan, e cila përmban shumë masa për avancimin e marrëdhënieve ndërmjet SHBA-së dhe Tajvanit, ndër të tjera mbrojtjen e njohjes së Tajvanit nga vendet e tjera.

Kjo rezolutë erdhi në kohën e një fushatë agresive diplomatike të Kinës kundër pavarësisë së Tajvanit.

Me këtë rezolutë, SHBA-ja synon ndaljen e kësaj fushate dhe rritjen e numrit të njohjeve për Tajvanin.

Ndërkaq, Artan Behrami-këshilltar i Presidentit të Kosovës, përmes profilit të tij në Twitter ka kërkuar nga Engel që të iniciojë një rezolutë të ngjashme edhe për Kosovën.

“Historikisht, Eliot Engel ka qenë një mbështetës i madh i Kosovës. Tani është koha për një veprim bipartizan që kërkon thirrje për njohje të mëtutjeshme të Kosovës, për njohje reciproke me Serbinë dhe për forcimin e marrëdhënieve me Shtetet e Bashkuara. SHBA-ja tashmë ka përvojë në miratimin e ligjeve të tilla në raste të tjera. Do të ishte një mesazh i shkëlqyeshëm”, ka shkruar ai.

Miku i madh i Kosovës, Eliot Engel, ka qenë shumë aktiv këto ditë, sidomos me kritika që iu ka drejtuar Administratës së presidentit të SHBA-së, Donald Trump.

Duket se postimi i Behramit vjen si reagim ndaj këtyre kritikave.