Zyra e presidentit të Kosovës, Hashim Thaçit ka reaguar ndaj akuzave të ish’ministrit të Punëve të Jashtme, të Shqipërisë, Ditmir Bushatit, për amnistinë e krimeve të luftës.

Nga presidenca kanë kërkuar nga Shqipëria që të bëjnë thirrje për hetim të krimeve të luftës në Kosovë.Ish’ministri i Punëve të Jashtme të Shqipërisë, Ditmir Bushati e ka cilësuar si të papranueshme deklaratën për amnisti të krimeve të luftës.

Përmes një shkrimi në Twitter, Bushati ka thënë se nuk duhet të ketë hapësirë për politika të tilla, e këto deklarata i ka quajtur të turpshme.

Ai ka thënë se krimet e luftës nuk janë falshme, por, të dënueshme.

“Nuk duhet të ketë hapësirë për politikë të revizionizmit, pavarësisht nga vijnë këto deklarata të turpshme. Krimet e luftës nuk janë të falshme, por të dënueshme. Vetëm drejtësia mund të sjellë paqen dhe pajtimin e nevojshëm midis Kosovës dhe Serbisë”, ka shkruar Bushati.

There should be no space for politics of revisionism, regardless where these shameful statements come from. War crimes are not forgivable. They are punishable. Only justice can bring needed peace and reconciliation between ?? and ?? #NoAmnestyButJustice https://t.co/USE0hSYhm6

— Ditmir Bushati (@ditmirbushati) April 26, 2020

Ndaj këtyre deklaratave kanë reaguar zyra e presidentit të Kosovës, Hashim Thaçit.

Këshilltari i presidentit, Artan Behrami ka shkruar se drejtësia ndërkombëtare ka dështuar në Kosovë.

Mirëpo, ai i ka thënë Bushatit se Shqipëria ka instrumente për t’i bërë thirrje Këshillit të Evropës për krimet e luftës, e që t’i kërkojë Asamblesë së Përgjithshme të Kombeve të Bashkuara që t’i hetojë ato.

International justice has failed on Kosovo. No doubt. Albania had & has instruments to put motion to Council of Europe on war crimes in Kosovo and ask UN General Assembly to investigate failure of ICTY. This should have been priority for yrs, but still can be done. https://t.co/Icecv2Wgcn

— Artan Behrami (@artanbehrami) April 26, 2020

Këshilltari i presidentit thotë se Bushati njeh më mirë se kushdo politikën dhe historinë e Këshillit të Evropës dhe Kombeve të Bashkuara.

Nga ai ka kërkuar që të merr drejtimin e të kërkojë hetim të krimeve.

I njëjti ka shtuar se Kosova do ta mbështeste, duke thënë se nuk do të ketë amnisti, por, drejtësi.

“Ditmir Bushati njeh më mirë se kushdo, historinë dhe politikën e Këshillit të Evropës dhe Kombeve të Bashkuara.

Ai do të bënte një punë të shkëlqyeshme duke marrë drejtimin dhe t’i kërkonte Këshillit të Evropës që të hetonte krimet e luftës në Kosovë.

Kosova do të mbështeste. Asnjëherë amnisti. Por kërkimi i drejtësisë. Me të gjitha mjetet”, ka shkruar ai.