Në pesë ditët e ardhshme në Kosovë, do të mbajë mot me diell dhe vranësira të shpërndara bën të ditur Instituti Hidrometeorologjik i Kosovës.
Temperaturat minimale parashihet të lëvizin ndërmjet 5-9 gradë Celsius, ndërsa maksimalet e ditës parashihet të lëvizin ndërmjet 23-27 gradë Celsius.
Në viset malore temperaturat minimale parashihen të lëvizin ndërmjet 3-5 gradë Celsius, ndërsa maksimalet e ditës parashihen të lëvizin ndërmjet 16-21 gradë Celsius.
Indeksi UV do të jetë i lartë, prandaj kontakti direkt me rrezet e diellit, në orët e mesditës këshillohet të jetë sa më i kufizuar.
Do të fryjë erë kryesisht nga juglindja me shpejtësi 1-10 m/s.