Ish-Ministri i Jashtëm i Kosovës, Petrit Selimi ka reaguar në lidhje me moslejimin që Ministri i Mbrojtjes së Serbisë, Aleksandar Vulin të hyjë në Kosovë.

Ai ka shkruar në Twitter se personalisht e ka nënshkruar ndalesën për zyrtarët serbë të Ministrive të Mbrojtjes respektivisht të Brendshëm sa ishte Ministër i Punëve të Jashtme.

“Ministri i Mbrojtjes së Serbisë, Aleksandër Vulin që njihet për gjuhën fyese dhe raciste kur iu drejtohet shqiptarëve është duke u ankuar që ai nuk po lejohet të hyjë në Kosovë. Të gjithë ministrat serbë të Mbrojtjes dhe të Brendshëm e kanë të ndaluar hyrjen në Kosovë. E di këtë, sepse unë e kam nënshkruar ndalesën”, ka shkruar Selimi.

Selimi në Twitter ka publikuar një dokument nga koha kur ishte Ministër i Punëve të Jashtme ka nënshkruar një vendim në vitin 2016, që iu ndalon hyrjen në Republikën e Kosovës, bartësve të funksioneve të ministrave/eve të Ministrisë së Punëve të Brendshme të Serbisë dhe Ministrisë së Mbrojtjes të Serbisë përderisa nuk pranojnë ftesë zyrtare dhe individuale nga homologët e tyre në Republikën e Kosovës.

Serbian defence minister Vulin, known for using derogatory, racist language when addressing Albanians, is complaining he's not allowed to enter Kosovo. ALL Serbian defence and interior ministers ex officio are banned from entering Kosovo. I know this because I signed the ban. pic.twitter.com/PJYS7vzK3Q

— Petrit Selimi (@Petrit) July 10, 2019