Kryeministri Albin Kurti gjatë qëndrimit në Gjilan në vendosjen e gurëthemelit të një çerdheje, është pyetur edhe për formimin e Qeverisë së re, për të cilën ai tha se fillimisht po presin certifikimin e rezultateve, shkruan Gazeta Online Reporteri.net.

I pyetur nëse do të ketë  një koalicion me partinë e Fatmir Limajt, NISMA, ai tha që s’ka qëndrime të tjera lidhur me opozitën.

Kurti tha se njëherë po presin certifikimin e rezultateve dhe pastaj do të shohin për rrugën përpara.

Ai tha VV është fituese e zgjedhjeve dhe ata duhet ta bëjnë qeverinë e re.

“Së pari ne presim certifikimi ne rezultateve dhe më pastaj do të shikojmë për rrugën përpara. S’ka ndryshuar situata që të kemi qendrime të tjera sa i përket kundërshtarëve tanë. Është bërë luftë hibride kundër qeverisë tonë por kemi dalë fitimitar, dhe ai duhet ta formojë qeverinë”, tha Kurti para gazetarëve.

/Reporteri.net/