Lëvizja Vetëvendosje po vazhdon kritikat ndaj qeverisë në detyrë, ndërkohë ende nuk po arrijnë të gjejë marrëveshje me LDK-në për ta formuar qeverinë e re.

Albulena Haxhiu e cila ka fituar sërish mandatin e deputetes në zgjedhjet e 6 tetorit, së fundmi është marrë me Ministrinë e Punës dhe Mirëqenies Sociale që drejtohet nga NISMA e Fatmir Limajt.

Haxhiu e VV-së po akuzon këtë ministri se personave që kanë punuar në ditën e zgjedhjeve, ia kanë ndalur ndihmën sociale, shkruan Reporteri.net.

Postimi i saj:

Me ndihmën sociale në Kosovë, familjet në nevojë nuk mund të kryejnë as nevojat mujore që i kanë.

Çfarë ka bërë Ministria! Personave që marrin ndihmë sociale, e që kanë punuar në ditën e zgjedhjeve, ia kanë ndalur ndihmën sociale!!

Kjo është e papranueshme. Çfarë shteti e pushteti, që varfëron e bën padrejtësi pikërisht me ata që nuk e kanë ndjerë kurrë dorën e shtetit ashtu siç duhet.

Çfarë turpi e çfarë mjerimi!

Këto padrejtësi duhet të ndalohen sa më parë. /Reporteri.net/.

https://www.facebook.com/hapeporten/posts/3148774465193323