Komuna e Podujevës ka nënshkruar kontratën në vlerë rreth 30 mijë euro për furnizim me material për perde, shkruan Gazeta Online Reporteri.net.

Kontrata është nënshkruar më 4 korrik, derisa tendering e ka fituar kompania “Liria SH.P.K. Vlera e saktë e kontratës është 28 mijë e 711 euro e 5 centë.

Në njoftimin për kontratë nuk është specifikuar arsyeja e këtij furnizimi.

Për këtë tender ishin pranuar ofertat e katër kompanive. Njëra, e cila ka ofertuar me çmim më të lirë se kompania e përzgjedhur, është eliminuar meqë në mostrën që ka dërguar nuk i ka plotësuar kërkesat e autoritetit kontraktues për ngjyrën e materialit.

Komuna e Podujevës blen gati 30 mijë euro material për perde