Konjufca pas një kohe paraqitet para mediave: Urdhëroni gazetarë, këtu më keni

Kryetari i Kuvendit, Glauk Konjufca ka dalë sot para mediave pas mbledhjes së kryesisë, derisa, deklarimin e ka nisur duke iu drejtuar gazetarëve.


Konjufca tha se ka dëgjuar disa thashetheme kohëve të fundit, që gazetarët duan të hidhërohen me të.

Këto deklarime të Konjufcës vinë pasi që ky i fundit për disa mbledhje rresht ka refuzuar të flas për media.

Ai tha se sot ka dalë që t’i përmirësojë marrëdhëniet me mediat.

“Kohëve të fundit kam dëgju disa thashetheme, thashethemet janë që po doni me u hidhëru me mu, kështu që unë dola me i përmirësu relacionet-marrëdhëniet me juve, këtu më keni urdhëroni”, tha ai.