×
  • Lajme
  • Lajme / Detajet e rastit

    Kosovari kapet në Zvicër me pasaportë kroate false, punoi si murator, dënohet me 6800 franga

    Reporteri
    19 Maj 2024 | 18:29

    Dy persona janë arrestuar në kantonin Schwyz, të cilët u përpoqën të merrnin një leje qëndrimi duke përdorur pasaporta false kroate. Ata janë paraqitur në Zyrën e Migracionit në prill dhe menjëherë kanë ngjallur dyshime me pasaportat e tyre me pamje të dyshimtë.

    Ata pretendonin se ishin kroatë, por, ekspertët nga policia kantonale Schwyz zbuluan shpejt se dokumentet e paraqitura ishin falsifikime.

    Pas hetimeve të mëtejshme u bë e qartë se njëri nga ta ishte një 35-vjeçar kosovar, i cili kishte hyrë ilegalisht nga Italia dhe punonte si murator, kurse tjetri ishte një shtetas 23-vjeçar i Serbisë, i cili po ashtu kishte ardhur nga Italia në fillim të vitit dhe punonte si murator, shkruan “Bote der Urschweiz”, transmeton albinfo.ch.

    Të dy burrat kishin shpresuar të merrnin një leje qëndrimi me pasaportat e tyre false. Në vend të kësaj, ata përfunduan në një qeli në bazën e sigurisë Biberbrugg.

    Prokuroria publike e Schwyz-it e dënoi kosovarin me precedentë penalë për hyrje të paligjshme, qëndrim të paautorizuar dhe punë pa leje. Ai u dënua me një gjobë pa kushte prej 6800 frangash.

    Ndërsa shtetasi i Serbisë, për të njëjtat shkelje ka marrë një gjobë prej 2640 frangash.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!