Kryetari i PDK-së, Memli Krasniqi, ka komentuar shqetësimin e kryeparlamentarit Glauk Konjufca pas vizitës së tij te ish-krerët e UÇK-së, i cili, duke komentuar veprimet e Gjykatës Speciale tha se kjo ka qenë “gjykatë e zorit”.

Krasniqi tha se shqetësimi që e ka shprehur kryetari i Kuvendit është shqetësim i drejtë.

“Kuvendi i Kosovës e ka themeluar Gjykatën Speciale e cila është votuar për diçka tjetër dhe tash po na del për diçka më ndryshe, sepse burimi i asaj ka qenë raporti i Dick Martyt, e sot ky raport nuk është në asnjë pikë të aktakuzës. Shqetësimet për të drejtat e njeriut janë evidente dhe unë besoj që duhet të adresohen edhe nga Ministrja e Drejtësisë edhe nga Kuvendi i Kosovës”, tha kryetari i PDK-së para mediave, gjatë vizitës në Viti.