Kryetari i Organizatës e Veteranëve të Luftës së Ushtrisë Çlirimtar të Kosovës, Hysni Gucati, tha në T7 se Shkëlzen Gashi, ish-këshilltari i kryeministrit në detyrë, Albin Kurtit, do t’i procedohet padi të hënën për shkak të deklaratave të tij.
Gucati gjithashtu tha se Gashi bashkëpunon me Serbinë dhe Rusinë.
“Gashi bashkëpunon me Serbinë dhe Rusinë. Une pres që padia t’i bëhet ditën e hënë në gjykatë kundër Gashit, unë ftoi edhe prokurorinë të veprojë”, është shprehur Gucati.
Gucati tha se OVL UCK’në, Lëvizja Vetëvendosje e ofendoi tri herë.
“Neve si organizatë tri herë na ka ofenduar Lëvizja Vetëvendosje, rasti i parë ka qenë me nanën e dëshmorëve të familjes Haradinaj, nën Rukë, rasti i dytë sulmi ndaj motrës tonë të cilën e quajtën lavire, dhe rasti i tretë ishin deklarata te Gashit”, ka thënë Gucati.
Gashi dje në Frontal të T7 ka thënë se UCK’ja bëri krime lufte ndaj 1000 civilëve serbë. Deklaratë kjo që shkaktoi shumë reagime.
Ndërsa sot shefi i tij, Albin Kurti, e liroi nga detyra duke thënë se edhe ky vet nuk pajtohet me disa deklarata të tij. Megjithatë Kurti nuk e potencoi se nuk pajtohet në deklaratat e Gashit të cilat i bëri dje.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.