Kryeministri bën homazhe në nderim të vëllait të tij

Kryeministri i Kosovës, Ramush Haradinaj, ka bërë homazhe në Kompleksin Memorial “Dëshmorët e Kombit” në Gllogjan për të nderuar veprën e vëllait të tij, Luan Haradinajt dhe veprimtarit Ismail Haradinaj.


Në këto homazhe kryeministrin e shoqëruan edhe ministri Pal Lekaj, deputetja Time Kadriaj dhe qytetarë të tjerë.

“Homazhe në Kompleksin Memorial “Dëshmorët e Kombit” në Gllogjan, në nderim të Heroit të Kosovës, Gjeneral Major Luan Haradinaj, dhe veprimtarit të çështjes kombëtare, Ismail Haradinaj”, shkroi Haradinaj.

Ndërsa në ora 11:00 kryeministri se bashku me qytetarët do të bëjnë homazhe tek Kompleksin Memorial në Gllogjan.