Pasioni është thënë se ngadhënjen përherë, madje edhe atëherë kur njerëzit mund të rrezikojnë shëndetin.

E kjo e fundit ishte shqetësim për të gjithë kur panë balerinën Leonora Rexhepi teksa vallëzon me bebe në bark, shkruan Reporteri.net.

Por, ajo thotë se ndonëse është vetë e dyta tani, nuk e ka asnjë problem dhe se vallëzimin e bën me më shumë pasion.

“Me vallëzu vetë e dyta është njësoj sikur më vallëzu vetë. Përkundrazi, e kam edhe një dëshirë më të madhe. Përkundrazi, ka qënë gjithçka në rregull me hormonet, me ushqimin, me stërvitjet dhe krejt, kështu që nuk e kam parë të arsyeshme për ta ndërprerë punën”, thotë Rexhepi.

Mirëpo, ani pse e konsideron të veçantë, ajo thotë se është një sfidë mjaft e madhe kur është në muajin e shtatë të shtatëzënise.

Por kjo nuk e ndal. Ajo vazhdon të dalë çdo ditë në sallë dhe të vallëzojë në maje të gishtave…